Terroristët talebanë po kamuflohen si viktima afgane për hyrë në Britaninë e Madhe dhe të kryejnë sulme. Këtë gjë e ka bërë të ditur Ministri i Forcave të Armatosura në Angli, James Heappey gjatë një interviste që ka dhënë. The Sun shkruan se sipas tij, terroristët po përfitojnë nga situata që ndodhet tani Kabuli dhe po hyjnë në aeroport për të përfituar leje qendrimi në Angli.
“Ne do të donim të ishim në gjendje të hapnim portat dhe t’i linim njerëzit të hynin me një rrjedhë edhe më të shpejtë, por ka njerëz që tani po përpiqen të hipin në disa fluturime britanike që ne i kemi identifikuar në kontrollet tona si të tilla. Pra, kontrollet që po bëhen janë plotësisht të nevojshme, sepse ka njerëz që përpiqen të përfitojnë nga ky proces për të hyrë në MB për të na shkaktuar dëm,” tha ai.