Një ngjarje e pazakontë nga ana e disa vajzave është shënuar në Tiranë, ku kanë bllokuar rrugën që të realizojnë një video.
Katër vajzat kanë dalë nga mjeti i tyre, Mercedez Benz dhe kanë bllokuar rrugën tek Unaza e Re. Siç shihet edhe në videon e mëposhtme të publikuar nga “JOQ” vajzat kanë dalë nga makina dhe kanë nisur të kërcejnë, si duket ky do të jetë trendi i ri i “Tik Tok-ut”.
Veprimi i vajzave ka krijuar trafik të madh, ndërsa në video dëgjohen edhe boritë e makinave, të cilët detyrohen të presin që vajzat të mbarojnë “qefin”, edhe pse në makinat që presin mund të ketë të sëmurë apo fëmijë të vegjël.
Kujtojmë që një gjest i tillë është bërë pak ditë më parë në autostradën e Laçit, ku dasmorët bllokuan rrugën dhe dolën dhe ia morën valles, ku policia i identifikoi dhe i gjobiti.
Mbetet për të parë, nëse do të gjobiten edhe vajzat.
View this post on Instagram