Grupi i famshëm suedez rikthehet ne tregun muzikor pas një pauze prej 40 vitesh. Ata zbuluan datat e turneut në tyre ABBA Voyage dhe një album të ri me plot 10 këngë, i cili do të publikohet në nëntor.
Katërshja, e cila u nda në vitin 1982 thanë se përfunduan sërish sëbashku në studion muzikore teksa punonin në një shfaqje.
Këngët e reja të grupit muzikor do të luhen edhe në koncertin virtual të tyre i cili do të mbahet vitin tjetër në një arenë të përgatitur posacërisht për ta në Londër.
Duke luajtur gjashtë netë në javë, do të shfaqen versione dixhitale të anëtarëve të grupit Abba, të shoqëruar nga një grup live që interpretojnë 22 nga hitet e tyre më të mëdha.
ABBA u bënë një ndër grupet më të suksesshme të popit në historinë e muzikës pasi fituan Eurovision Song Contest në vitin 1974.
