“Procesi i vettingut të gjyqtarëve dhe prokurorëve duhet të jetë i lirë nga presionet”. Kështu është shprehur ambasadorja e SHBA në vendin tonë, Yuri Kim pas një takimi me anëtarët e Komisionit të Pavarur të Kualifikimit.
Diplomatja e larte amerikane thote se Shqipërisë i duhet një sistem drejtësie profesional efikas dhe pa korrupsion.
Ajo garantoi anetaret e KPK se SHBA mbështet fort implementimin e reformës në drejtësi, përfshirë vetting-un.
“U takova me komisionerë të KPK për t’i falënderuar për përshpejtimin e vetting-ut të gjyqtarëve dhe prokurorëve, pavarësisht sfidave. Vetting-u me integritet dhe pavarësi është themeli i reformës në drejtësi në Shqipëri.
Procesi duhet të jetë i lirë nga presioni i panevojshëm, përfshirë sulmet mbi komisionerët. Shqipërisë i duhet një sistem drejtësie profesional, efikas dhe pa korrupsion – jo vetëm se është thelbesor për hyrjen në BE, por sepse populli shqiptar e meriton këtë dhe asgjë më pak se kaq.
SHBA do vazhdojë të mbështesë fort implementimin e reformës në drejtësi, përfshirë vetting-un”, shkruan Yuri Kim.