Ish kryeministri Sali Berisha po zhvillon “Foltoren” në Vlorë, ku fjalën e ka mbajtur edhe aktivistja shqiptare në Amerikë Evi Kokalari.
Kokalari u shpreh se Partia Demokratike është marrë peng nga PS dhe se Lulim Basha duhet të jetë ish-kreu i PD.
Ndër të tjera u shpreh se Basha nuk ka arritur të ketë një bazë, duke u shprehur se atij i ka ngelur vetëm logo edhe vula e PD.
“Unë kam ardhur vetëm për juve në Shqipëri. Në 23 vitet e fundit kam qenë në Shqipëri vetëm 20 ditë fatkeqësisht dhe kam ardhur vetëm t’ju flas ju direkt sepse PD është në krizë. Unë jam amerikane po jam e lindur dhe e rritur në Tiranë.
Kushërira Musine Kokalari luftoi që të kishte një opozitë shqiptare dhe fati i saj ishte aspak i mirë dhe mua më vjen keq që pas keq vitesh Shqipëria është ende në atë pikë. Është marrë peng nga socialistët dhe ne nuk kemi aspak opozitë në Shqipëri. Basha duhet të jetë ish- kreu i PD.
Nuk është problemi te paaftësia, ai nuk ka mundur të këtë bazën me vete. Nuk mund të jetë i shitur. Mua më vjen çudi që Berisha kudo që shkon ka një bazë të fortë dhe kjo është e vetmja gjë që do e shpëtoj PD”,-tha ajo ndër të tjera.