Në stinën e dimrit, predispozita për të shtuar disa kilogramë rritet. Kjo ndodh kryesisht për arsye se dita është më e shkurtër dhe na pëlqen të rrimë në kolltuk. Por, edhe vetë i ftohti e shton oreksin për kalori sepse një pjesë e tyre shërbejnë për të na ngrohur. Nëse nuk doni të bini “pré” e këtij kurthi dhe jeni në kërkim të një diete efektive, na vjen në ndihmë Elita Rudi.
Në muajin mars moderatorja bukuroshe u bë nënë për herë të dytë. E brenda pak muajsh ajo u rikthye në formë. Dhe për të rifituar trupin që kishte para shtatzënisë, përveç aktivitetit fizik, ajo ka përdorur dietën ketogjenike.
Ekspertët kanë treguar se dieta ketogjenike mund t’ju ndihmojë t’i humbni më shpejt kilogramët e tepërt sesa ushtrimet fizike. Zakonisht trupi e merr energjinë nga karbohidratet dhe i kthen ato në glukozë. Sidoqoftë, nëse ka mungesë të karbohidrateve, trupi fillon t’i shfrytëzojë rezervat e yndyrës për ta arritur nivelin e nevojshëm të energjisë. Vlen të thuhet se dieta ketogjenike përdoret nga atletët dhe pjesëmarrësit e maratonave ose sporteve të tjera që kërkojnë qëndrueshmëri të madhe. Dieta ketogjenike është e ndryshme nga dietat tjera sepse personat që e ndjekin këtë dietë nuk humbin masë muskulore, por vetëm dhjam.
Rregulli kryesor i kësaj diete është se sheqeri duhet të përjashtohet krejtësisht nga menuja, e gjithashtu edhe produktet e brumit.
Ushqimet që lejohet të hani:
– Vajin dhe gjalpin
– Arrat
– vezët
– Çdo lloj mishi
– Kërpudhat
– Perimet e gjelbra me shumë fibra
– Përveç qumështit, të gjitha produktet tjera të bulmetit me yndyrë
Ushqimet e ndaluara:
– Të gjitha produktet e brumit
– Mishrat e përpunuara
– Perimet me sasi të mëdha të sheqerit dhe karbohidrateve, si patatet
– Çdo lloj alkooli
Dieta është bërë e famshme falë Kim Kardashian e cila me ndihmën e dietës ketogjenike ka humbur rreth 30 kilogramë pas lindjes. Edhe aktorja e njohur Halle Berry, Adriana Lima dhe Megan Fox i përmbahen dietave që nuk përfshijnë karbohidrate.