Dy konkurrentët e ‘Big Brother VIP’, Donaldi dhe Monika debatuan ashpër pak ditë më parë me njëri-tjetrin. Kjo e fundit gjeti gozhdën me të cilën gdhend Donaldi dhe shpërtheu kundër tij.
“Kjo është më e rëndë se një shkoj. Me këtë vriten në burgje”, i tha ajo. Donaldi i sqaroi se e përdor gozhdën për të gdhendur por ajo refuzoi t’ia jepte.
Nisur nga kjo situatë, Donaldi humbi të gjithë respektin për Monikën.
“Nuk je mirë, po më akuzon. Kam pasur super respekt për ty dhe të kam mbrojtur se nuk më janë dukur të sakta veprimet e Fifit për ty”, i tha ai.
Kjo deklaratë nuk është pritur mirë nga Monika, e cila është ndjerë shumë e ofenduar.
“Më ka ofenduar kaq shumë sa atë natë nuk do e harroj kurrë. Ai ka treguar se është i papjekur, arrogant”, është shprehur ajo gjatë një bisede me Palomën.