“Në Malin e Robit, përballë Kompleksit Turistik “Prestige”, ndodhet Pallati 7 kate i banimit “KASTRATI”.Në themelet e këtij Pallati buron një sasi e pazakontë ujë, e cila thuhet se vjen nga deti”. – Kështu e nis statusin e tij në rrjetet sociale, avokati i njohur Idajet Beqiri duke ngritur alarmin për një ndodhi të pazakontë në një pallat tek “Mali i Rrobit”
Garazhet e pallatit janë zhytur në ujë ndërsa pompa që bënte të mundur heqjen e tij është djegur prej disa javësh.
“Kjo sasi e madhe ujë i kripur rrezikon shëmbjen e gjithë Pallatit.”-shkruan ndër të tjera Beqiri duke ngritur alarmin se kërkohet menjëherë ndërhyrja e Emergjencave Civile pasi jeta e banorëve dhe e fëmijëve është në rrezik.
Statusi i plotë
ALARM! KËRKOHET NDIHMË NGA EMERGJENCA CIVILE!
Në Malin e Robit, përballë Kompleksit Turistik “Prestige”, ndodhet Pallati 7 kate i banimit “KASTRATI”.
Në themelet e këtij Pallati buron një sasi e pazakontë ujë, e cila thuhet se vjen nga deti. Për heqjen e përditshme të këtij ujë është vendosur një pompë e cila punonte 24 orë për 24 orë çdo ditë për të nxjerrë këtë sasi të madhe ujë.
Ka afro një muaj që kjo pompë është djegur dhe themelet dhe garazhet e Pallatit janë mbytur nga ujë. Niveli rritet me shpejtësi dhe po mbrrinë në sistemin elektrik, duke rrezikuar jetën e banorëve të Pallatit. Kjo sasi e madhe ujë i kripur rrezikon shëmbjen e gjithë Pallatit.
Videoja dhe fotot flasin shumë më mirë se njëmijë fjalë.
Po japim “ALARMIN” për ndihmë nga EMERGJENCA CIVILE; nga BASHKIA KAVAJË; Nga POLICIA E SHTETIT, NGA ZJARRFIKËSIT… me qëllim që të evakuohen së paku banorët dhe fëmijët e Pallatit, të cilëve u rrezikohet seriozisht jeta!