Puthjet miqësore në buzë mes vajzave në “Për’puthen” dhe “Big Brother VIP” janë bërë kryefjalë e rrjeteve sociale.
Beniada, Semi dhe Beatrix shkëmbyen puthje me njëra-tjetrën si pjesë e lojës në shtëpinë e “Vëllait të Madh”.
Edhe Ana me Mikelën u puthën në buzë, kur po luanin në grup në ambientet e jashtme të “Për’puthen”, pas përfundimit të xhirimeve.
E pyetur në studio, Ana u shpreh se më shumë ka shanse që të dilte me Mikelën në takim se sa me një pjesë të djemve në panel dhe më pas sërish vajzat shkëmbyen një ‘baby kiss’.
E ftuar në “Ftesë në 5”, Xheni Karaj, aktiviste për të drejtat e grupit LGBT+ tha se këto imazhe që shohim në ekran, janë pozitive për faktin se të gjithë duhet të kuptojnë se edhe intimiteti mes dy personave të së njëjtës gjini është normal, si ai mes dy personave të gjinisë së kundërt.
“Pavarësisht orientimit që kemi, duhet ta shprehim dashurinë. Të kemi dhe momente të tilla, jo vetëm tensione dhe sherre që shohim në ‘reality show’.”
Edhe Zhakilin Lekatari thotë se dashuria duhet të jetë më e dukshme në publik. “Nuk shoh çifte që duhen, që përqafohen, sheh shumë rrallë në publik”.
Ajo rrëfen se “kur e ka ndjerë është puthur me vajza dhe kjo është normale”.
“Kur kemi qenë në ndonjë situatë të vështirë të rëndë emocionalisht, si mbështetje. Thjesht ka qenë një puthje, kaq”.
Xheni Karaj thekson se “nëse këto puthje janë bërë për të rënë në sy të djemve dhe për t’i bërë xheloz, kjo nuk është aspak mirë. Është ndryshe ndryshe kur shkëmben një puthje për kënaqësi, ndryshe kur objektivizohet, kjo do ishte problem”.
