E tensionuar është paraqitur situata në Gjykatën e Fierit, ku ditën e sotme jepet sot masa e sigurisë për Klodian Çalamanin, 38-vjeçarin që rrëmbeu, vrau e më pas e groposi në oborrin e banesës së tij, 8 vjeçarin në fshatin Greçalli të Fierit.
“Çuni më vdiq, ma vrau”, ka thënë nëna e djalit mes lotësh.
Ende pa nisur seanca, janë shënuar incidente në hollin e gjykatës. Familjarë të 8-vjecarit Mateo, kanë hyrë me forcë në ambientet e gjykatës, pasi duan të jenë të pranishëm në seancë.
“Përse kërcënohemi. Ku është drejtësia”, është shprehur një prej të afërmve.
“E nxori një fëmijë të vjeç nga balta. Më horror nuk ka”, është shprehur një tjetër familjar.