Pasi protestuan para paraburgimit të Vlorës, familjarët e 8-vjeçarit Mateo Vasiu, i cili u vra nga 38-vjeçari Klodian Çalamani, kanë vijuar tubimin e tyre paqësor në brendësi të qytetit.
Familjarët kanë bllokuar rrugën Transballkanike dhe janë ulur në mes të asfaltit. Ata njëzëri bëjnë thirrje për drejtësi. Babai i 8-vjeçarit puth foton e viktimës, ndërsa të gjithë qajnë. Kjo protestë është mbështetur edhe nga shumë qytetarë të Vlorës, të cilët i janë bashkuar tubimit, raporton BW.
Ndërkohë, policia e Vlorës ka lejuar që familjarët të vijojnë protestën e tyre. Kujtojmë se familja e vogëlushit po bën një peticion ku po mbledh firma që autori të dënohet me vdekje.