Anëtarja e Kuvendit Kombëtar të PD-së, Freskida Rapo pasi denoncoi se i kishin falsifikuar firmën te formulari i Sali Berishës për thirrjen e Kuvendit më 11 dhjetor, i ka kërkuar kryetarit të Këshillit Kombëtar, Edi Palokës që ti’ vërë në dispozicion formularin.
Ditën e djeshme, Rapo tregoi falsifikimin me firmën e saj, duke akuzuar drejtpërdrejtë Agron Shehajn, se e kishte marrë në telefon për verifikim dhe pavarësisht se ajo i kishte thënë se nuk kishte firmosur, Shehaj nuk kishte thënë asgjë.
Ky i fundit shkoi në zyrën e Palokës për verifikimin e firmave për thirrjen e Kuvendit më 11 dhjetor, teksa deklaroi se 98% e tyre me të cilët kishte folur, kishin konfirmuar plotësimin e formularit. Sipas Rapos, gjatë bisedës në telefon, Shehaj i kishte thënë që të bëjë denoncimin në prokurori.