Një kapitull i madh mbyllet. Periudha prej 16 vitesh gjatë së cilës Angela Merkel ishte kancelare e Gjermanisë ka marrë fund. Pati shumë ngjarje dhe sfida që shënuan mandatin e Merkelit: kriza fiskale, emigracioni dhe pandemia. Duke i dhënë lamtumirën kancelares mbrëmjen e sotme, ajo dërgoi mesazhin e saj prekës, në një ceremoni të vogël pandemike, por plot simbolikë.
“ Faleminderit të gjithëve nga zemra ” janë frazat e para me të cilat Merkel filloi fjalimin e saj.
Në një fjalim të shkurtër të enjten mbrëma, Merkel u bëri thirrje gjermanëve që të shohin pozitivisht të ardhmen e vendit të tyre.
” Gjashtëmbëdhjetë vjet në kancelarinë gjermane, shumë ngjarje, sfida të natyrës politike dhe humanitare. Shumë kriza kanë treguar rëndësinë e bashkëpunimit ndërkombëtar ndërsa ne të gjithë përballemi me sfidat që planeti njeh. Unë do të doja t’ju inkurajoja që të shikoni të ardhmen e botës edhe nga këndvështrimi i njerëzve të tjerë, ” tha ajo.
Kancelarja në largim e Gjermanisë dëgjon duke luajtur bandën ushtarake, himnin e vendit të saj por edhe këngët e veçanta muzikore që ka zgjedhur.Nënkoloneli Sven Homan dha shtysë për nisjen e demonstratës së madhe me ushtarë në formacione speciale dhe pishtarë të ndezur. Një ritual që e ka zanafillën në shekullin e 16-të.
Ngjarja e lamtumirës për nder të saj nuk po mbahet siç pritej, pasi është përshtatur me epokën e koronavirusit. Pesëdhjetë të ftuar morën pjesë në natën e madhe dhe të gjithë ishin plotësisht të vaksinuar kundër Covid19.