Karrierën e tij brilante Alert Alcani pritet ta vijojë në krye të pankinës së Burrelit. Ish futbollisti i Besëlidhjes, Vllaznisë, Teutës, Skënderbeut, Lushnjës, Partizanit dhe ish trajner i Shënkollit, Kastriotit dhe Tërbunit pritet të jetë tekniku i skuadrës matjane të futbollit.
Zyrtarë të bashkisë Mat dhe drejtues të klubit të futbollit “Burreli” kanë kontaktuar me Alcanin dhe kanë kërkuar nga ana e tij të jetë trajner i skuadrës verilindore.
I kontaktuar nga tirananwes.al tekniku tha se në Pukë ka gjetur mikpritje dhe mbështetje nga kryetari i bashkisë Gjon Gjoni dhe tifozët vendas.
Duke pranuar se është kontaktuar nga drejtuesit e Bashkisë Mat dhe ato të klubit të futbollit Alcani shprehet se: “Unë nuk kam shkopin magjik, por sëbashku me zyrtarët e klubit e futbollistët do të japim maksimumin për realizimin e objektivit që ka klubi. Unë ndaj të njëjtin mendim me matjanët se Burreli meriton të jetë në vendet e para të Kategorisë së Parë. Ne duhet të vlerësojmë çdo ndeshje deri në merkaton e dimrit. Në janar 2022 do të mendojmë nëse kërkohet ndërhyrje”.