Situata në Partinë Demokratike paraqitet tepër e tensionuar dhe të gjithë janë duke pritur se çfarë do të ndodhë me mbledhjen e dy Kuvendeve.
Ndërsa na ndajë vetëm pak ditë nga Kuvendi i 11 dhjetorit, ish-kryeministri Sali Berisha ka ndarë sot në rrjetet sociale një video, përmes së cilës iu shpreh mirënjohjen e thellë gjithë delegatëve që kanë firmosur për thirrjen e këtij Kuvendi.
“Mirënjohje të thellë për mbi 2100 delegatët firmëtarë që deri tani kanë publikuar emrat e tyre, duke bërë të qartë si drita e diellit se Kuvendi i 11 Dhjetorit, përkundër mashtrimeve të peng-kryetarit, është thirrur dhe legjitimuar sipas statutit nga vullneti i mijëra delegatëve demokratë!
Ftoj të gjithë delegatët të bashkohen me ne në Kuvendin e Rithemelimit të Partisë Demokratike në datë 11 Dhjetor në ditën e lindjes së saj! Të bashkuar në rrugën tonë drejt fitores!”, shkruan Berisha.