Është ndarë nga jeta Kapiteni i Rangut III, Bledar Kasneci. Lajmin e ka bërë të ditur ministri i Mbrojtjes, Niko Peleshi, i cili ka përcjellë ngushëllimet për familjen.
Peleshi thotë se Forcat Detare humbën një prej njerëzve më të përkushtuar, miqtë një shok të mirë e të kudogjendur, ndërsa të afërmit njeriun e dashur dhe babanë shembullor.
“Me trishtim të thellë mësuam për ndarjen e parakohshme nga jeta të Kapitenit të Rangut III, Bledar Kasneci. Forcat Detare humbën një prej njerëzve më të përkushtuar, miqtë një shok të mirë e të kudogjendur, të afërmit njeriun e dashur dhe babanë shembullor. Ngushëllime familjes dhe kolegëve!”, thuhet në mesazhin e Peleshit.