Shumë gra, gjithnjë e më shumë, zgjedhin të ngrijnë vezët, si një mënyrë për tu siguruar që një ditë të bëhen nëna. Kështu ka bërë edhe këngëtarja shqiptare, Rita Ora, e cila ka folur shpesh për këtë temë.
Së fundmi ajo ka folur për “The Independent” ku ka treguar edhe arsyet që kanë ndikuar. Ajo ka theksuar se dëshiron që në të ardhmen të ketë familje të madhe dhe të bukur, pasi sipas saj, në kulturën kosovare, të kesh fëmijë është shumë e rëndësisume
“Do të doja të kisha një familje të madhe të bukur. Në kulturën kosovare, të kesh fëmijë është e rëndësishme. Dhe unë mendoj se si gra, ne kemi shumë presion, në mënyrë të pandërgjegjshme, sepse mendojmë se kjo është detyra jonë, të krijojmë dhe të japim jetë. Pra, thjesht doja të mos shqetësohesha për këtë. Dhe nuk e bëra, dhe ishte gjëja më e mirë që kam bërë ndonjëherë”, u shpreh Rita.
Sipas The Independent, lindja nuk është qëllimi i këngëtares aktualisht, por se me ngrirjen e vezëve, Rita ka dashur të sigurohet që edhe pas kalimit të moshës dhe rënies së cilësisë së vezëve të saj, ajo do të mund të bëhet nënë.
Me vezët e ngrira, lindja e fëmijëve nuk ka qenë domosdoshmërisht në krye të listës së saj së fundmi. Ajo është një artiste e gjithanshme, që po korr sukses në Britani. Dhe në fund të vitit ajo rikthehet si juri në ITV’s The Masked Singer.