Në selinë blu po vazhdon ende mbledhja me dyer të mbyllura me anëtarët e kryesisë së PD-së. Neës24 bën me dije se deputeti Ervin Salianji gjatë mbledhjes e ka konsideruar të papranueshme që drejtues të lartë dhe deputetë të PD ishin në një takim ku sulmohen përfaqësuesit e SHBA-ve.
“E papranueshme qe drejtues të lartë dhe deputetë t2 PD janë në një takim ku sulmohen përfaqësuesit e ShBA, nga ambasadorja tek zoti Escobar. Nuk duhet të lëmë marrëzinë të marrë dhenë. Sot u tentua krijimi i një partie që kërkon elektorat antiamerikan, nuk duhet lejuar. Ne jemi ne anën e duhur të historisë, jemi në anën e drejtë duke mbrojtur interesat e Shqipërisë dhe demokrateve, asnjë parti nuk fiton dot pa partneritetin me Shba, nuk duhet keqpërdorur dëshpërimi i drejtë që dha situata pas 25 Prillit”, shprehet Salianji.