Ka zgjatur rreth 75 minuta takimi i ambasadorëve me kreun e PD, Lulzim Basha.
Takimi vjen pas situatës së krijuar në PD dhe përplasjeve mes Sali Berishës dhe Lulzim Bashës.
Ambasadorët e SHBA-ve, BE-së, Gjermanisë, Francës, Anglisë dhe Italisë janë pritur në selinë e PD nga nënkryetarja Jorida Tabaku dhe sekretari i Përgjithshëm, Gazment Bardhi.
Burime bëjnë me dije se ambasadorët u takuan me Bashën në përgjigje të disa zërave që thonë se ata mbështesin lëvizjen e Berishës.
Një situatë kaotike u krijua dje në PD, pasi ish-kryeministri Sali Berisha me 29 anëtarë të Komisionit të Rithemelimit të PD, të dalë nga Kuvendi i 11 dhjetorit, zhvilluan një mbledhje në seli ku u zgjodhën komisionet që do të merren me referendumin e paralajmëruar me anëtarësinë për shkarkimin e Bashës.