Një rast i paprecedentë ka ndodhur në Paraguaji, një skandal seksual në futbollin vendas, por që po zmadhohet gjithnjë e më shumë në përmasa.
Bëhet fjalë për trajnerin e Libertadit, Leonel Zuleta, shkarkimi i të cilit është bërë i ditur nga presidenti i klubit, Fransisko Gimenez Lalvo.
“Me trajnerin nuk kam pasur kurrë probleme, por për të drejtuar një skuadër të madhe duhet që tekniku të ketë raport të mirë me futbollistët, çka nuk ka ndodhur në ekipin tim. Mbi arsye më të shumta pyesni të interesuarin”, ka thënë Lalvo.
Tekniku kishte fituar Kupën “Libertadores” në sezonin e parë me skuadrën, por një raport jashtëmartesor me dy nga bashkëshortet e futbollistëve që stërviste, ka bërë që në Paraguaji të shpërthejë një rast i paprecedent mediatik.
Edgar Benitez dhe Serxhio Akuino janë dy futbollistët të cilët janë tradhtuar nga bashkëshortet dhe trajneri, teksa ky i fundit përflitet edhe për një raport të tretë me gruan e një drejtuesi të lartë të klubit të Libertadit.
