Komisioni për Çështjet Ligjore rrëzon dekretin e Metës për kthimin e ligjit ‘Për bashkëqeverisjen’.
Mosdekretimi i ligjit u rrëzua me 11 vota kundër. Kujtojmë se ishte Kreu i Shtetit, i cili ktheu për rishqyrtim në Kuvend ligjin “Për Bashkëqeverisjen”, por ky dekret i Metës është rrëzuar sot nga Komisioni i Ligjeve.
Pro dekretit të Presidentit kanë votuar vetëm tre anëtarë të komisionit, Oerd Bylykbashi, Dashnor Sula dhe Erisa Xhixho. Ndërkohë, të gjithë deputetët e mazhorancës kanë votuar kundër, duke e rrëzuar dekretin.