Prej disa ditësh vendi ynë është përfshirë nga publikimi i të dhënave të qytetarëve për pagat dhe targat e makinave. Nisur nga këto zhvillime, avokati Kujtim Cakrani, së bashku me kolegun e tij Arjon Besimaj, ka dorëzuar një padi në gjykatën e Tiranës lidhur me skandalin e publikimit të rrogave.
Me anë të një statusi në rrjetet sociale, avokati e ka konsideruar padinë si të nevojshme për të vendosur drejtësi pas skandalit të publikuar.
Në padinë e dorëzuar përfshihet edhe ministria e Financave, AKSHI dhe institucine të tjera. Avokatët kanë kërkuar shpërblimin e dëmit jopasuror të shkaktuar nga nxjerrja e të dhënave personale të pagave dhe numrave të kartës së identitetit.
Postimi i plotë nga avokati, Kujtim Cakrani:
Të nderuar miq!
Bashkë me kolegun av. A.B sapo dorëzuam në gjykatë kërkesë padinë kundër Qeverisë Shqiptare, Ministrisë Financave, AKSHI etj, objekti së cilës është;
Shpërblimi dëmit jopasuror si pasoj e nxjerrjen e të dhënave personale, pagat ID.
Është një padi ku ndër të tjera çojmë në vend nderin dhe personalitetin tonë si qytetarë në radh të parë dhe si juristë që kuptojmë çfarë do të thotë të nxjerrësh në publik të dhënat personale.