Një grup deputetësh nga Komisioni i Përkohshëm i Rithemelimit të Partisë Demokratike kane shkuar në selinë blu, ndërsa sot është afati i fundit i vendosur nga ta që kryetari Lulzim Basha të lirojë zyrën e tij.
Mësohet se deputetët Flamur Noka, Edmond Spaho, Luan Baci, Tritan Shehu do të japin një deklaratë për mediat, ndërsa nuk dihet se çfarë do të ndodhë më tej.
Pasi kanë tentuar që të hyjnë nga dera kryesore, përfaqësuesit e këtij komisioni nuk kanë mundur të futen brenda pasi dera ka qenë e mbyllur.
Më pas ata kanë kërkuar informacione nga gazetarët, ndërsa këta të fundit janë futur apo jo në seli.
Noka: Nga hyhet se qenka mbyllur dera A keni hyre brenda ju?
Aktualisht në katin e parë të selisë së PD-së, thuhet se po kryhen punime. Ndërkohë, një protestë kombëtare është thirrur më 8 janar nga ish-kryeministri Sali Berisha dhe do të mbahet në oborrin e selisë së PD-së. Ndërkohë, kreu i PD-së, Lulzim Basha që prej mëngjesit ndodhet në zyrën e tij.