Në dy ditët e fundit, deputetë të partisë Demokratike, janë paraqitur në selinë e PD dhe janë përpjekur të hyjnë brenda ambienteve të godinës. Por diçka e tillë nuk është bërë e mundur, pasi ashtu edhe siç është parë, janë ndërruar dyert dhe bravat e kësaj selie.
Kështu shumë prej deputetëve apo anëtarëve të PD të cilët janë munduar të hyjnë brenda selisë, janë kthyer mbrapsht duke hedhur akuza ndaj Lulzim Bashës për ndërrimin e bravave dhe blindimin e dyerve.
Në një deklaratë për mediat, sekretari i Përgjithshëm, Gazment Bardhi ka theskuar se diçka e tillë ishte e pavërtetë duke mohuar kategorikisht që të ishte bërë blindimi i dyerve dhe duke thënë se vetëm po kryheshin disa punime të tjera si lyerje apo vendosje e logove të PD.
Pak minuta më parë ish-kryetarja e Kuvendit dhe nën kryetarja e PD-së, Jozefina Toppali ka postuar një foto, që sipas saj është nga brenda PD-së, me mbishkrimin “pa fjalë”.
Në këtë foto duken dyer që janë të përforcuara me struktura të shumta hekuri nga pas. Nuk dihet se sa të vërteta janë këto foto deri më tani.