Të shtëna me armë zjarri janë raportuar mesnatën e kaluar në qendër të qytetit të Elbasanit. Mësohet se autorët kanë qëlluar nga një mjet i cili ishte në ecje. Nuk dihet se kush ishte shënjestra e tyre. Deri më tani nuk është raportuar për të plagosur apo viktima.
Ngjarja ka ndodhur në lagjen Parizani Dyli Haxhire, në zonën e quajtur Gurabardhi.
Policia dhe grupet e kontrollit mbërritën në vendin e ngjarjes për të bërë të mundur zbardhjen e saj dhe vënien para drejtësisë të autorëve. Ende nuk ka informacion më të detajuar për sulmin me armë që ndodhi.