Tekniku i Burrelit Alert Alcani ka mbyllur sot merkaton e dimrit te skuadra matjane. Ekipi është gati për të rinisur kampionatin e Kategorisë së Parë.
Burrelin e pret në fundjavë një transfertë e vështirë, ku do të përballet me Tërbunin e Pukës. Sipas trajnerit Alcani skuadra verlindore është e vendosur të zhvillojë një ndeshje të fortë dhe të pretendojë rezultat pozitiv.
Daija i ardhur nga Brazili, Trokthi nga Erzeni dhe Jaupaj janë tri “blerjet” e ditëve të fundit.
“ Jemi përpjekur të ndërtojmë një skuadër ku të gjitha repartet të jenë në harmoni mes tyre. Ditët e merkatos së dimrit i kemi shfrytëzuar maksimalisht për të forcuar repartin e sulmit dhe atë mbrojtjes. Për ndeshjen me Tërbunin jemi të mobilizuar maksimalisht. Shpresojmë të kemi bërë zgjedhjen e duhur me lojtarët e rinj”, nënvizoi Alcani.
Lojtarët e afruar te Burreli këtë fillimviti janë: Kujtim Alcani, Florian Trokthi, Klaudio Mallunxa, Francesko Daija, Basha, dhe braziliani Alison Da Silva.