Mbrëmjen e djeshme në shtëpinë e “Big Brother VIP” u lexua një zarf i zi. Në të shkruhej se një nga banorët ka thyer rregullat dhe dënimin do ta marrë sot gjatë spektaklit.
“Big Brother ka vënë re se njëri nga banorët ka dhënë informacione nga jashtë, që jo vetëm ka ndikuar në lojë, por edhe në gjendjen psikologjike dhe emocionale të Beatrix, në kundërshtim me rregulloren.
Për këtë arsye, ‘Vëllai i Madh’ ka marrë një vendim të rëndësishëm, të cilin do e komunikojë të premten”, thuhet në zarfin që lexoi Arjola.
Në zarf nuk shkruhej emri i banorit që ka thyer një nga rregulloret kryesore të shtëpisë, si dhe dënimi që do të jepet. Tashmë banorëve dhe publikut nuk i mbetët gjë tjetër veçse të presë mbrëmjen e sotme për prime-in.