Policia e Elbasanit ka arrestuar një 31-vjeçar të shpallur në kërkim për largim nga vendi i aksidentit.
Në momentin e ndalimit, i riu iu ka ofruar efektivëve një kartëmonedhë 5.000 lekë, që ta linin të lirë, por është vënë në pranga.
Njoftimi i policisë:
Specialistët e Hetimit të Krimit Ekonomiko-Financiar arrestuan në flagrancë shtetasin M.M., 31 vjeç, banues në fshatin Karbunar Lushnje, për veprën penale “Korrupsioni aktiv i personave që ushtrojnë funksione publike”, pasi në momentin e ndalimit për kontroll nga Shërbimet Operacionale pranë DVP Elbasan, i ka dhënë punonjësit të policisë një kartmonedhë 5.000 lekë, e cila sekuestrua në cilësinë e provës materiale.
Nga verifikimet e kryera rezultoi se ky shtetas ishte i shpallur në kërkim nga Komisariati Policisë Lushnjë, për veprat penale “Shkelje të rregullave të qarkullimit rrugor” dhe “Largim nga vendi i aksidentit”.
Specialistët për Trafikun Interurban dhe Urban arrestuan në flagrancë shtetasin E.C., 30 vjeç, banues në Elbasan, për veprën penale “Drejtimi i automjeteve në mënyrë të parregullt”, pasi në rrugën “Kamber Sejdini” Elbasan, u kap duke drejtuar në gjendje të dehur mjetin tip “Volkswagen”.
Materialet i kaluan Prokurorisë pranë Gjykatës së Shkallës së Parë Elbasan për veprime të mëtejshme.