Policia e Lezhës ka finalizuar operacionin e koduar ” Ixellesi”, për kapjen e personave të shpallur në kërkim ndërkombëtar.
Në pranga ka rënë shtetasi Vladimir Doda, i shpallur në kërkim ndërkombëtar për veprën penale “Pjesëmarrja në organizatë kriminale”, në rrethana rënduese.
Njoftimi i policisë:
Shërbimet e Komisariatit të Policisë Lezhë, në vijim të punës për kapjen e personave të shpallur në kërkim ndërkombëtar, në bazë të informacioneve të siguruara në rrugë policore, kanë bërë të mundur lokalizimin, kapjen dhe ndalimin e shtetasit:
V. D., 33 vjeç, banues në Lezhë.
Ky shtetas ishte shpallur në kërkim ndërkombëtar, pasi Gjykata e Eupen, Belgjikë, i ka vendosur masën e sigurisë “Arrest në burg” për veprën penale “Pjesëmarrja në organizatë kriminale”, në rrethana rënduese, parashikuar nga Kodi Penal belg.
Ky vendim është njohur nga Gjykata e Rrethit Gjyqësor Lezhë dhe është lënë në fuqi nga Gjykata e Apelit Shkodër.
Materialet hetimore u referuan në Prokurorinë e Rrethit Gjyqësor Lezhë, për veprime të mëtejshme.