Prej ditësh në media po qarkullojnë disa foto të Shkëlzen Berishës, djalit t ëish-kryeministrit Sali Berisha me anëtarët e klanit “Osmani”, disa prej të cilëve u arrestuan disa ditë më parë në një aksion ndërkombëtar, pasi akuzohen se janë një nga rrjetet më aktive të shpërndarjes së kokainës në Europë.
Juristi i njohur Romeo Kara, u ka bërë thirrje organeve ligjzbatuese që të hetojnë lidhjet e përfolura të familjes Berisha me klanin mafioz të Osmanëve, ndërsa në kuadër të ligjit të dekriminalizimit, ai thotë se duhet t’i rishqyrtohet mandate i deputetit Sali Berishës.
“Thirrje publike institucioneve ligjzbatuese:
Të hetojnë lidhjet e përfolura të Familjes Berisha dhe sidomos Shkëlzen Berishës, me klanin mafioz të Osmanëve të Hamburgut. Në kuadër të ligjit për dekriminalizimin, të rishqyrtohet mandati i deputetit të Sali Berishës”, shkruan juristi.
Në një postim tjetër, ai thotë se është në merak për Shkëlzen Berishën, pasi ai nuk po reagon për këto foto të publikuara.
“Jam shumë në merak për çunin e Saliut”.
Ka tre ditë që e nxjerr media qafë më qafë me mafiozët më të mëdhej të Europës, ushtruesit e trafikut të narkotikëve, prostitucionit dhe kumarit, por, ai nuk po reagon, ashtu siç i ishte bërë ves, me paditë për shpifje.
Dhe vjen nje dite, kur te shteron zelli i aktrimit dhe e kupton edhe vete se, nuk ia vlen më te hiqesh ai qe nuk je.
Maskat tashme ranë perfundimisht”, shkruan ai.