Në këtë situatë kaotike sulmesh, presionesh dhe praglufte, UEFA ka njoftuar një mbledhje të jashtëzakonshme të bordit të saj të Komitetit Ekzekutiv ditën e premte.
Në njoftimin e saj të brendshëm qeveria europiane e futbollit ka bërë të ditur se do të zhvillohet menjëherë ky takim për shkak të përshtjellimit të situatës për të vlerësuar gjendjen dhe për të marrë vendimet e nevojshme për aktivitet që lidhen me të.
Një ndër temat kryesore pritet të jetë çështja e zhvillimit të finales së Champions League më 28 maj në Shën Petërburg në stadiumin GazProm Arena me një kapacitet prej 68 .000 vendesh. Kjo ndeshje e planifikuar të zhvillohej atje që në vitin e shkuar, sëbashku me finalet e tjera të kompeticioneve europiane.
Në të njëjtën kohë federata polake e futbollit ka kontaktuar FIFA-n për të qartësuar në mënyrë urgjente pozitën e saj në lidhje me ndeshjet eliminatore të Kupës së Botës, pasi atyre do t’i duhet të luajnë ndeshjen e tyre në Moskë muajin e ardhshëm.
Për arsye sigurie federata polake ka njoftuar se nuk mund të rrezikojë futbollsitët e saj në këtë situatë që të udhëtojnë drejt Rusisë.Në bazë të shortit të hedhur për ndeshjet e play-off-it fituesi i ciftit RUsi-Poloni do të përballet me fituesin e çiftit Suedi-Republikë Ceke.