Siguria e të miturve gjatë përdorimit të TikTok është në fokusin e drejtuesve të këtij aplikacioni. Lajmi për fushatën më të re që TikTok do të ndërmarrë në këtë aspekt u bë e ditur sot në Bruksel nga Alexandra Evans, përgjegjëse për politikat e sigurisë publike në Evropë për TikTok-un.
Puna e TikTok-ut është e ndarë në disa faza. Një udhëzues do t’i inkurajojë njerëzit të mësojnë rreth procesit të përballjes me sfidat në internet dhe raportimi i akteve potencialisht të rrezikshme do të jetë më i lehtë.
Plus, në javët në vijim, moshat nën 18 vjeç do të fillojnë të shohin video nga tre influencues për fushatën #SaferTogether në burimin e tyre. Mes tyre do të jetë edhe italiania Fabiana Andreani, specialiste e karrierës dhe orientimit për të rinjtë nën 35 vjeç.
Më në fund, TikTok do të financojë Universitetin e Sidnejit Perëndimor dhe Qendrën e tij të të Rinjve për të mbështetur kërkime të mëtejshme mbi sigurinë në internet.