Kievi është pothuajse nën kontrollin e trupave ruse. Në hartën e publikuar nga “BBC”, dallohet qartë avancimi i raketave dhe mjeteve të blinduara ruse drejt qendrës së kryeqytetit ukrainas, të vendosura në dy pika kyçe, pranë Parlamentit dhe Pallatit Presidencial.
Trupat ruse ndodhen në rrethin verior të Obolon, vetëm 9 kilometra në veri të Parlamentit të Kievit dhe qendrës së kryeqytetit.
Pak orë më parë, Ministria e Mbrojtjes e Ukrainës dha alarmin se forcat ruse ndodheshin në Kiev duke i bërë thirrje qytetarëve të kishin kujdes dhe të mos dilnin nga shtëpitë e tyre.