Pas ngjarjeve të fundit që po ndodhin në Ukrainë, federata polake e futbollit mori vendimin që Polonia të mos luajë ndeshjen kundër Rusisë në “playoff”-in e Botërorit. Këtë vendim e ka përkrahur edhe portieri i Juves dhe i komëtares polake, Wojciech Szczęsny. Në mesazhin që ka dhënë futbollisti polak, ai shprehet se bashkëshortja e tij është ukrainase dhe gjaku i djalit të tij është ukrainas prandaj ai refuzon të luajë aty ku dëgjohet himni rus.
“Bashkëshortja ime ka lindur në Ukrainë, në venat e djalit tim rrjedh gjak ukrainasi, një pjesë e familjes tonë ndodhet ende në Ukrainë, një pjesë e mirë e bashkëpunëtorëve të mi janë nga Ukraina dhe janë njerëz të shkëlqyer.
Të shohësh fytyrën e tyre kupton frikën e madhe që i ka mbërthyer, frikë për vendin e tyre. Refuzoj të luaj kundër lojtarëve që zgjedhin të përfaqësojnë vlerat e një vendi si Rusia. Refuzoj të qëndrojë në këmbë e të dëgjoj himnin e tyre. E di që thirrja ime është thjeshtë simbolike por i bëj thirrje FIFA-s dhe UEFA-s të reagojnë”, ka deklaruar Szczensy.