Një ditë pasi Lulzim Basha dha dorëheqjen nga posti i kreut të PD, Sali Berisha zhvilloi mbledhje me Komisionin e Rithemelimit të PD.
Në përfundim, Berisha komentoi edhe draft rezolutën që lexoi dje kryetari i komanduar i PD, Enkelejd Alibeaj. Berisha e cilëson si “fletushkë” në të cilën trajtonte Bashën si plaçkë tregu.
Berisha: Sa i takon fletushkës që lexoi zoti Alibeaj mund të them vetëm kaq, që në atë fletushkë Lulzim Bashën e trajtonte si plaçkë tregu.
A ka ardhur koha të riktheheni në seli?
Berisha: Jemi në proces e sipër të të gjitha vendimeve që do merren. PD do bashkohet dhe do shndërrohet në një force politike që se ka pasur më të fortë Shqipëria ndonjëherë.
Duke thënë këtë nuk është se disa qëndrime absurde të Lulzim Bashës nuk krijuan anomali në grupin parlamentar. Gjëja më immediate është të normalizojmë jetën e grupit parlamentar. Kam dijeni se po punohet me intensitet dhe kjo gjë do të realizohet.