U luajtën ditën e sotme 6 sfidat e vlefshme për javën e 26-të të elitës së futbollit maqedonas, ku nuk munguan surprizat.
Artim Shaqiri ka debutuar me fitore në pankinën e Shkëndijës, ku u ul vetëm pasditen e djeshme, ndërsa tetovarët ia dolën të triumfojnë me shifrat 0-2 në transfertën ndaj Pelisterit.
Ish trajneri i Kukësit dhe Flamurtarit u nderua në pjesën e dytë nga golat e Maneskit dhe Nafiut, që u dhanë tre pikët kuqezinjve, të cilët me këtë fitore ruajnë vendin e dytë me 51 pikë, 11 më pak se skuadra tjetër shqiptare, Shkupi, që sot nuk shkoi më shumë se barazimi pa gola në derbin ndaj Skopjes. Gjithsesi, kur kanë mbetur edhe 7 javë nga fundi i sezonit, rruga drejt titullit duket e shtuar për bardheblutë e Shkupit.
Sa u përket skuadrave të tjera shqiptare, Struga është mposhtur me shifrat 2-0 në transfertën ndaj Tikves, ndërsa Renova ka humbur në shtëpi 0-1 përballë Makedonija GP.
