Apple ndërpret të gjitha shitjet e produkteve dhe shërbimeve në Rusi pas kërkesës që i bëri zëvendëskryeministri i Ukrainës Mykhailo Fedorov.
Kompania Apple ndërpret të gjitha shitjet e produkteve dhe shërbimeve në Rusi. Ky vendim i kompanisë teknologjike Apple vjen pasi javën e kaluar, zëvendëskryeministri i Ukrainës dhe Ministri për Transformimin Dixhital, Mykhailo Fedorov publikoi në Twitter një shkrim drejtuar Apple, në të cilën ai i kërkoi kompanisë që të ndërpresë shitjen e produkteve dhe shërbimet App Store që ofron kompania për Rusinë.
“Apple Pay dhe shërbimet e tjera janë kufizuar. RT Neës dhe Sputnik News nuk janë më të disponueshme për shkarkim nga App Store jashtë Rusisë. Dhe ne kemi çaktivizuar trafikun dhe incidentet e drejtpërdrejta në Apple Maps në Ukrainë si siguri dhe masë paraprake për qytetarët ukrainas”- shkruan Apple.
Marka të tjera gjithashtu kanë njoftuar se do te tërhiqen nga tregu rus e tillë është firma e madhe “Nike”. Gjigandët e pagesave Mastercard, American Express dhe Visa gjithashtu kanë bërë lëvizje të ngjashme. Po ashtu edhe Warner Bros tërhoqi publikimin e filmit “The Batman” në Rusi, i cili supozohej të dilte të premten, pas një lëvizje të ngjashme nga Disney.