Kanë përfunduar ndeshjet e orës 15:00 në Serinë A, ku surpriza e ditës ka qenë pa diskutim humbja e Napolit në shtëpi ndaj surprizës së sezonit, Fiorentinës.
Skuadra e drejtuar nga Luçiano Spaleti e shikon titullin kampion ti largohet edhe më shumë pas kësaj humbje që e mban Napolin në vendin e tretë.
Fiorentina nga ana tjetër me anë të kësaj fitore mban gjallë ambicien për një vend në kompeticionet europiane në sezonin e ardhshëm.
Në sfidat e tjera Atalanta është mposhtur në transfert nga Sasuolo me rezultatin 2-1, ndërsa Udineze ka triumfuar ndaj Venecias.
NAPOLI 2-3 FIORENTINA
Mertens 58’, Osimen 84’/ Gonzales 29’, Ikone 66’, Kabral 72’