Deputetja e Partisë Socialiste, Ermonela Felaj, ishte e ftuar këtë të mërkurë në emisionin “Mbrëmje Ide”. Ajo komentoi deklaratën e Presidentit Meta, i cili më herët gjatë ditës tha se është i gatshëm të dorëzojë mandatin që të mos instalohet një juntë ushtarake.
Për Felajn, është e paqartë se çfarë ka dashur të thotë kreu i shtetit, i cili po sipas saj, po ngatërron rolin me opozitën.
“Nuk është se kam një koment mirëfilli për atë që ka deklaruar Presidenti, por më lejoni të them që është e paqartë çfarë ka dashur të bëjë presidenti. Gjithnjë e më shumë po ngatërron rolin me opozitën. Ajo që po kërkohet të destabilizohet është rendi dhe siguria në vend”, tha Felaj.