Ukraina është një skenë krimi dhe rusët përgjegjës për kryerjen e akteve të “tmerrit”. Këta të fundit mund të përballen me gjyqe të krimeve të luftës, si të Nurembergut, thotë ambasadori britanik në Kombet e Bashkuara.
Komentet e Dame Barbara Woodward vijnë përpara një takimi javën e ardhshme, në të cilin Karim Khan QC, kryeprokurori i Gjykatës Ndërkombëtare Penale, do të paraqesë gjetjet e tij në Këshillin e Sigurimit të OKB-së, si pjesë e përpjekjeve për të kundërshtuar dezinformimin rus, raporton The Times.
Ëoodëard, 60 vjeç, i cili është gjithashtu president i këshillit, shpreson të sinjalizojë se autorët e mizorive do të sillen para drejtësisë.
“Nëse Rusia nuk është palë në statutin e Romës i cili themeloi ICC, a na duhet një gjykatë tjetër, si për shembull në gjyqet e Nurembergut? Ne ende duhet t’i zgjidhim të gjitha këto. Por të gjithë njerëzit me të cilët flas, përfshirë Karim Khan, janë absolutisht të vendosur të shohin autorët përballë drejtësisë”, u shpreh Woodward .
Mbetet e paqartë se si të dyshuarit do të sillen përpara një gjykate ndërkombëtare. Presidenti Putin nderoi së fundmi brigadën që është akuzuar për kryerjen e krimeve të luftës në Bucha, një qytet afër Kievit ku janë vrarë qindra civilë. Ekzistojnë gjithashtu dëshmi të shënjestruar të civilëve në pjesë të tjera të vendit, me varrosje të të vdekurve në varre masive.
Ka prova në rritje të krimeve të luftës që janë kryer në Ukrainë. Në Londër, ekipi i krimeve të luftës të Policisë Metropolitane, i cili është pjesë e komandës kundër terrorizmit, tha se kishte marrë 50 referime nga njerëz me lidhje me MB.
“Ajo që ne po shohim është tepër tronditëse, përtej të kuptuarit,” tha Shefi i Detektivit Dominic Murphy.
“Në 17 vite jo larg në antiterrorizëm, janë disa nga pamjet më të rënda të mundshme që mund të imagjinoni të shihni.”
Michelle Bachelet, Komisionerja e Lartë e OKB-së për të Drejtat e Njeriut, tha: Puna jonë e deritanishme ka detajuar një histori tmerri të shkeljeve të kryera kundër civilëve. Para së gjithash, kjo luftë e pakuptimtë duhet të ndalet.
Ajo shtoi se akuzat për dhunë seksuale po shtohen gjithnjë e më shumë.
Woodward tha se ishte thelbësore të mblidheshin prova për krimet e luftës që po kryheshin. Është e qartë se ka përgjegjësi në nivelin e kreut të shtetit për drejtimin e saj, por ka padyshim përgjegjësi për krimet individuale, dhe kjo është pjesë e gjësë kritike, kjo është pika e mbledhjes së provave, është të jesh në gjendje të sjellësh përgjegjësit para drejtësisë.
“Në Ukrainë ka “rrëfime të grave që përdhunohen para fëmijëve të tyre, ky është thjesht tmerr i papërshkrueshëm”,tha Woodward .
Mesazhi i saj për viktimat ishte se janë të vendosur të çojnë para drejtësisë autorët e këtyre krimeve.
Gjyqi i Nurembergut
Nuremberg ishte qyteti ku Adolf Hitler organizoi së pari tubimet e partisë naziste dhe shpalli ligjet raciste të vitit 1935 që hapën rrugën për Holokaustin…
Më 20 Nëntor 1945, filluan gjyqet e Nurembergut kundër oficerëve nazistë të Luftës së Dytë Botërore, e jo vetëm, të cilët akuzoheshin për krimet e luftës. Gjyqet u mbajtën në Nuremberg të Gjermanisë dhe vendimet e tyre shënuan një pikë kthese midis ligjit klasik dhe atij ndërkombëtar bashkëkohor.
E para dhe e njohura nga gjykimet ishte ajo e kriminelëve kryesorë të luftës përpara Gjykatës Ndërkombëtare Ushtarake. Ajo u përshkrua si “gjyqi më i madh në histori” nga Sir Norman Birkett.
Mbajtur midis 20 nëntorit 1945 dhe 1 tetorit 1946, gjykatësit iu dha detyra të provonte 24 nga drejtuesit më të rëndësishëm politikë dhe ushtarakë të Rajhut të Tretë.