Policia është duke zhvilluar një operacion në zonën e Lezhës i cili ka nisur që prej mbrëmjes së djeshme.
Në kuadër të këtij operacioni, mësohet se po ekzekutohen vendimet e apelit të GJKKO për personat e ndaluar për tjetërsimin e pronave në Shëngjin. Aktualisht, derti më tani janë ndaluar të paktën dy persona.
Ndërkohë, më 15 prill GJKKO ka dhënë vendimin për dosjen për tjetërsimin e pronave në Shëngjin.
Për rrjedhojë, shtetasit: Vlash Gazuli është dënuar me 2 vite e 8 muaj burg, Kol Lleshi me 2 vite e 4 muaj, Marjeta Përskura 1 vit e 8 muaj burg, Luigj Paloka 5 vite burg, Paulin Simoni 3 vite e 8 muaj burg, Emanuel Gjura 6 vite burg, Zef Lazri 4 vite e 8 muaj dhe Blendi Ndokaj 6 vite e 8 muaj burg.
Gjithashtu, 10 vite burg është dhënë për Gjevi Ndokën, si dhe 5 vite e 4 muaj Mimoza Ndokës.