Në një prononcim për gazetarët, Enkeljed Alibeajn u shpreh se “non gratat” nuk e kanë të drejtën për të propozuar emra për Presidentin e ri. Ai u shpreh se 4 deputetët që janë sanksionuar nga SHBA nuk duhet të përfshihen në këtë proces.
“Për presidentin qëndrimi i PD është bërë i qartë nga të gjithë deputetët me mendje të hapur. Do të jetë pjesë e diskutime të mbledhjes së grupit parlamentar. Duke synuar një profil politik që të jetë për shqiptarët. Është detyrimi ynë që ta marrim këtë përgjegjësi dhe është një test politik për të gjitha palët politike që të marrin pjesë në proces. Sipas traditës kalon në konsultime. Do ndodhi mes nesh dhe zëri i çdo deputeti do përcillet. Do them se kjo mazhorancë nuk ka legjitimitetin për ta zgjedhur e vetme Presidentin. Sipas raporteve të DASH apo OSBE, kjo mazhorancë nuk e ka legjitimitetin. Njeri, një profil politik që të mos ketë të bëjë fare me influencën e votave të Non Gratave. Janë 4 deputetët që nuk kanë të drejtën morale të dalin në konkluzione. Morali politik është se nuk duhet të jetë i afektuar nga vota non grata. Duhet një profil politik. Jo hermafrodit. Që të mos ketë të shkuar dhe të jetë përballur me sprova.” deklaroi Alibeaj.