Autobusi mori makinën para dhe të dy ranë në Lanë/ Veliaj: Asnjë prej shoferëve nuk ishte i dehur!

Kryetari i Bashkisë Erion Veliaj ka mbërritur menjëherë në vendin ku një automjet është përplasur me autobusin.
“Sot kemi pasur një aksident në buzën e Lanës, në zonën që është tek pallatet “Agimi” që është shumë pranë drejtorisë së policisë midis një autobusi dhe një makine. Në një qytet që lëvizin 200-220 mijë mjete në ditë. Është një aksident i pafat, kemi 5 të lënduar, por që janë të lënduar lehtë. Kështu që menjëherë pas inspektimit këtu do të shkoj në spital për të parë si janë të lënduarit. Pjesa e dramës njerëzore mbaron këtu. Ajo që do na duhet është që të lejojmë policinë të kontrollojë të gjithë kamerat, të bëjë të gjitha matjet, të shikojë të gjitha gjurmët e gomave dhe të kuptomë se çfarë e shkaktoi aksidentin. Kështu që ajo që do t’ju kërkoja të gjithëve është që të mos bëjmë atë që bëjmë zakonisht kur të gjithë bëhemi ekspertë për gjithçka. Të lëmë profesionistët, që janë profesionistët e policisë, profesionistët e zjarrfikëses, dhe sigurisht inxhinierët që do të merren me mënyrën sesi do të zhvendoset mjeti, ose të dyja mjetet nga Lana. Kështu që për çdo gjë që jeta që është gjëja më e rëndësishme është jashtë rrezikut, këto të tjerat që janë gjëja më e parëndësishme do të gjejmë një mënyrë si do t’i lëvizim”, u shpreh Veliaj.