Ka ndryshuar orari i nisjes së seancës së nesërme plenare në Kuvendin e Shqipërisë, ku pritet që përmes një video-mesazhi, Presidenti i Ukrainës Volodymyr Zelensky të mbajë një fjalim para ligjvënësve shqiptarë.
Mësohet se seanca, e cila ishte parashikuar të fillonte në orën 11:00, do të nisë në orën 13:00.
Deri tani, Zelensky u është drejtuar disa parlamenteve evropiane.
Ndërkaq, ndërsa paraqiste situatën e luftës në Ukrainë, Zelensky u ka bërë më herët thirrje shteteve që të sanksionojnë Rusinë.
Po ashtu, ai ka ritheksuar kërkesën e tij drejtuar BE për anëtarësimin sa më parë të Ukrainës.