Ditën e sotme, Enkelejd Alibeaj vizitoi myftininë e Elbasanit me rastin e festës së Fitër Bajramit, ku uroi gjithë besimtarët myslimanë për agjerimin dhe sakrificën gjatë muajit të shenjtë të Ramazanit.
“Kjo është një ditë që ka shumë për ta vlerësuar, pas një muaji sakrifice”, u shpreh Alibeaj.
Ndërkohë, ai u pyet edhe sa i përket situatës së brendshme në Partinë Demokratike dhe shkarkimin e tij nga posti i kreut të grupit parlamentar nga Kuvendi i 30 prillit, mirëpo Alibeaj refuzoi të bëjë komente, duke kërkuar të mos flitet për politikë në një ditë feste si kjo.
“Në një ditë feste të tillë politikën ta lëmë jashtë. Në një ditë feste të tillë politikën ta lëmë jashtë. Është e udhës që në festa të tilla, në këto ditë t’i lëmë shqiptarët veçse të gëzojnë”, tha ai.
NMyftinia e Elbasanit u vizitua gjithashtu edhe nga deputeti Luçiano Boçi, i cili është në krah të ish-kryeministrit Sali Berisha. Gjatë një prononcimi për gazetarët, Boçi tha se nuk ishte në dijeni të vizitës së Alibeajt.
“Sot është një ditë feste, për politikën flasim 364 ditë. Bashkimi është një proces, shpresa është proces. Të gjitha duhet t’i shërbejnë së bashku. Nuk jam në dijeni që Alibeaj do të vijë këtu, tani po e marr vesh nga ju. Do të isha i gëzuar që bashkë me zotin Alibeaj, bashkë me kryetarin të isha këtu”, deklaroi Boçi.