Partia Socialiste ka vendosur të mbajë një mbledje të kryesisë gjatë pasdites së ditës së nesërme.
Mësohet se një nga çështjet kryesore që pritet të diskutohet është Asambleja e 7 majit. Gjithashtu, ky organ i PS-së do të mblidhet për zbatimin e vendimeve që u morën në Kongresin e socialistëve të 9 prillit.
Vendimet në fjalë lidhen me ndryshimet statutore, por edhe me ndërprerjen e mandatit të kryetarëve të degëve të bashkive të PS, ndërprerje që do t’i hapë rrugë zgjedhjeve për kryetarë të rinj.
Gjithashtu, nesër është programuar edhe mbledhja e Konferencës së Kryetarëve në Kuvend për të diskutuar për procesin e zgjedhjes së presidentit të ri. PS ende nuk e ka një emër zyrtar për kandidatin mundshëm, ndërsa socialistët propozuan në zarf disa ditë më parë tre emra.