Analistët janë të ndarë për deklarata e presidentit Ilir Meta, në lidhje me dorëheqjen e tij. Lorenc Vangjeli mendon se nëse Meta do të jepte dorëheqjen do të ishte “pika e fundit e ujit që do të mbushte gotën e krizës.
“Ilir Meta e di që kjo histori ishte një gafë e madhe. Ai tha me zë të lartë atë që sot e mendojmë të gjithë. Presidenti i vë vulën një gafe të pashembullt politike për djegien e mandateve. Ai ofrohet që të jetë pika e fundit e ujit që do të mbushte gotën e krizës. Për ndërkombëtarët kjo nuk vlen sepse ata janë palë me qeverinë në këto situata. Guri i fundit i opozitës do të jetë largimi i presidentit me dorëheqje. E vetmja shpresë e opozitës për tu rikthyer në tryezë është që të rikonfirmohet me destablilitet”, tha Lorenc Vangjeli.
Mustafa Nano është i bindur që Meta do të japë dorëheqjen. “Kjo do ta thellojë krizë, e pastaj opozita mund të presë që të vënë një njeri që ta kontestojnë.”