Teksa protestat e banorëve të Rinasit hynë sot në ditën e katërt të tyre, Autoriteti Rrugor Shqiptar ka reaguar duke marrë venidmin për të rikthyer sërish në këtë rrugë qarkullimin me dy korsi, sikurse ishte para datës 1 Maj. Kështu, banorët morën zgjidhjen që kërkonin.
Njoftimi i ARRSH:
Kthehet në gjendjen e mëparshme Rruga e Rinasit, qarkullimi do të vijojë me dy sense lëvizjeje deri në një zgjidhje përfundimtare me qëllim lehtësimin e trafikut në segmentin Qafë Kashar-Rrethrrotullimi i Rinasit-Ahmetaq.
📍Apel ynë për të gjithë drejtuesit e mjeteve që vijnë nga veriu të përdorin akset alternative për të mos rënduar trafikun në rrugën që të çon drejt aeroportit të Rinasit.
📍Udhëtarë/turistët që marrin fluturimet të marrin në konsideratë fluksin e lartë të mjeteve në këtë aks duke përllogaritur orarin e nisjes.