Leo Mesi i ka dhënë fund pushiemve që kishte marrë me Kombetaren pas përfundimit të Botërorit dhe zhgënjimit në Rusi e për tifozët e Argjentinës ky është padyshim lajmi më i mirë i mundshëm. Këtë ka dashur të festojë edhe Federata Argjentinase, me një video të shpërndarë në rrjetet sociale e cila është kthyer shpejt në virale.
Video kujton tifozët se po kthehet Mesi dhe tregon karakteristikat e tij duke e krahasuar me emra të mëdhenj të historisë së Argjentinës, duke filluar nga politikanët, piktorët e shkencëtarët, për të vazhduar deri te Papa. “Janë 10 argjentinas në 1. Ka njerëz që mendojnë se vjen nga një planet tjetër. Mund të jetë… nga një planet gjenish që që quhet Argjentinë”, theksohet në këtë video.
“Pleshti” pritet të jetë lideri i projektit me të rinj që Argjentina ka filluar që pas dështimit në Botëror, duke lënë jashtë shumë prej “veteranëve” të cilët kishin shoqëruar pa sukses Mesin në vitet e fundit