Deputeti i Partisë Demokratike, Gazment Bardhi ka reaguar pas deklaratave të ish-kryeministrit Sali Berisha, i cili më herët akuzoi Gjykatën e Apelit si të kapur nga Edi Rama, pas vendimit të sotëm të caktimit të gjyqtarëve për shqyrtimin e ankimimit të Enkelejd Alibeajt.
Në reagimin e tij në rrjetet sociale Bardhi thekson se Sali Berisha duhet t’i japë fund hipokrizisë me demokratët dhe përçarjes së tyre.
Sipas tij standardi i dyfishtë me gjykatat dëmton besimin e demokratëve në ringritjen e PD.
Reagimi i Bardhit:
Sali Berisha duhet t’i japë fund hipokrizisë me demokratët dhe përçarjes së tyre. Standardi i dyfishtë me gjykatat dëmton besimin e demokratëve në ringritjen e PD.
Gjykata nuk mund të jetë e pavarur, kur Zhukri i Berishës vendos pro tij dhe është politike, kur gjykata nuk i nënshtrohet akuzave të tij. Vendimi i gjykatës për çështjen e PD, cilido qoftë ai, duhet t’i hapë rrugën bashkimit të vërtetë të demokratëve.